我本身自己有間公司(無限公司),開了六年,是本人的主要收入來源,其間公司入息的錢我會買屋同投資期指,但三年前開始一路步入困境,兩年前賣了自己的屋去補倉,一路公司收入用了補倉,銀行信用一直良好,我用信用咭十七年來一直信用良好,銀行更加提高信用額和提供借貸...但最近公司生意下滑.導致擔心日後還款之能力,有諗過破產.但未知自己是否合資格,可否比小小意見.

我的情形和你很近似,可以放心,基本上要破產一定無問題,不過你要留意是否近期還有向銀行貸款?如果這二至三個月內有的話就不可以立即申請破產,以免被銀行控告。
如有其他問題,歡迎再向我查詢,謝謝

多謝你咁快覆我!我就係上月銀行主動叫我借預先批刻的借貸,我用了補倉,點知都係唔得...我上網見好多律師樓做破產的,我打去問,,有D就話得有D就話我做生意又有投機賭博,如申請破產會犯了破產罪等133條,我有去破產管理局睇過但又唔太明,你有無律師介紹下問下?如果我唔每期清數.我諗我可以清到最低還款額...但條數要十年都未必還到!我好驚.成日諗住自殺等家人有保險金生活!我可以點行落去你可否比多意見!謝謝!

千萬唔好自殺呀!你咁造係懦夫的所為,我會好睇你唔起。你自己死左就一了百了,你有無想過你的家人呢?
佢地為左你就要承擔一生一世的傷痛,還要係一個永遠唔會好的傷口。

失敗不可怕亦不等如絕路,失去生命才是絕路。

我都是過來人,很明白的你傷痛,請你信我,破產後一定會比以前更加好的,如果你真的為了家人,你應該明白點造?

換了係你,你會要錢定係要家人呀?一定係選擇要家人啦。你的家人都一定係同一想法,錢無左可以再搵,但係家人失去了就永遠無法挽回。

堅強D,有方法的。

如果你是上個月先借到條數,就唔好咁快去破產住,你還得起最低付款的話先還住先。還左再借出來都唔係問題,等還多最低付款之後半年到就可以去破產,不過呢半年就真係唔好再去申請新的貸款。

希望在明天,有問題再留言,大家分享下 ,我以前的問題同你好相似,結果我都過到,你亦都係一樣的。

千萬唔好再向壞的方面想啦。

等你再留言

打去問過網上的律師,佢地話我有公司比較麻煩!有一個仲話我犯了破產條列投機破產是無得破的!之前見你的留言,我諗諗下都係想辦法去解決!但如果最終又唔做到破產,數又還唔到...真係唔知點算?

唔會的,放心,我都係有公司再去破產的,只要你係資不抵債就可以破到產,唯一問題係你上個月先借左條新數.咁快破就可能有問題,最好係先還多幾個月最低付款先,天無絕人之路,總之一定要正面去面對,唔好向負面方向想。

Pinky :
打去問過網上的律師,佢地話我有公司比較麻煩!有一個仲話我犯了破產條列投機破產是無得破的!之前見你的留言,我諗諗下都係想辦法去解決!但如果最終又唔做到破產,數又還唔到...真係唔知點算?

我由經濟出現問題呢兩年來,工資盡量用來還款,自己沒有生活費,家人有申請了一張附屬咭給我平日生活開資用途,如果我一旦申請了破產,家人給我的附屬咭是否會同時停用的呢?

應該都會被停用的,因為破產後是不淮有任何借貸的,信用咭都是借貸的一種,最好是在破產前自行取消這張附屬咭

Pinky :
我由經濟出現問題呢兩年來,工資盡量用來還款,自己沒有生活費,家人有申請了一張附屬咭給我平日生活開資用途,如果我一旦申請了破產,家人給我的附屬咭是否會同時停用的呢?

臥龍先生, 你好
本人因早前投資失利，公司倒閉，欠下銀行及財務公司(大型的)債。
想找工作搞iva, 但擔心還未出糧便被追債, 被砸掉飯碗。
想請問:
1, 如去澳門或大陸工作, 儲錢做iva, 此方法可行嗎? 在出糧前會否被發現?
2, 在香港找工作又將會出現甚麼情況呢?